🎙Lionel Messining vidolashuv so'zlari:
"Finaldan beri o'tgan vaqt davomida bu haqda ko'p o'yladim. Barchaga shuni aytmoqchimanki, Argentina terma jamoasidagi faoliyatimni yakunlayman.
Bu qarorni qabul qilish men uchun og'ir bo'ldi va hozir ham ich-ichimdan og‘riq his qilyapman. Ammo bu ayni vaqtda to'g'ri qaror ekanini tushunaman.
Qasam ichaman, men har doim bor kuchimni berdim. Nafaqat so'nggi yillarda, barcha sovrinlarni qo‘lga kiritganimiz davrda, balki undan oldin ham. Men doimo ushbu forma uchun kurashdim va futboldagi o'yinlarimiz orqali sizni xursand qilish, argentinalik ekaningizdan faxrlanishingiz uchun borimni berdim.
Ko'p vaqtim qolmadi, hayotimdagi turli sahifalar yakuniga yetmoqda. Bu esa menga eng ko'p og'riq berayotgan boblardan biri. Men terma jamoa tarkibida bo'lishni sevaman, sevdim va bundan keyin ham doimo sevaman. Qo'limdan kelgan barcha ishni qildim va endi beradigan boshqa narsam qolmadi.
Bundan tashqari, terma jamoada bo'lishga loyiq bo'lgan ajoyib yosh futbolchilar yetishib chiqmoqda.
20 yil davomida menga ko'rsatgan mehringiz uchun rahmat. Endi sizning ovozingizni maydon ichidan eshitishni sog‘inaman. Bundan buyon esa men sizlardan biri bo‘laman — yaxshi kunlarda ham, ayniqsa, qiyin kunlarda ham tashqaridan doimo qo'llab-quvvatlayman.
Har doim yonimda bo'lgan va ushbu go'zal, ammo qiyin yo'lda meni qo'llab-quvvatlagan oilamga rahmat. Birga ishlash imkoniga ega bo'lgan barcha murabbiylar, jamoadoshlar va rahbarlarga ham minnatdorchilik bildiraman. Men o'zim bilan unutilmas xotiralar va lahzalarni olib ketaman.
Men xotirjam va faxr bilan ketaman. Chunki jamoadoshlarim bilan birgalikda sizlarga bir vaqtlar orzu qilgan lahzalarimizni taqdim eta oldik. Bularning barchasini sizlar bilan birga boshdan kechirish aqldan ozdiradigan darajada ajoyib edi. Sizlarni sevaman!
Meni argentinalik qilib yaratgani uchun Xudoga shukr. Vamos Argentina!
Men bu so'zlarni 21-iyul kuni, finaldan ikki kun o'tib yozgan edim. Bugun esa otam bilan yuz bergan voqealardan so'ng bu qarorim to'g'riligiga avvalgidan ham ko'proq aminman".
📲 FIFA FUTBOL LIVE
